ആശാവർക്കർമാർ പിച്ചതെണ്ടൽ സമരം നടത്തി

മലപ്പുറം : ആശാവർക്കേഴ്സ് കോൺഗ്രസ് (ഐ.എൻ.ടി.യു.സി) ജില്ല കമ്മിറ്റിയുടെ നേതൃത്വത്തിൽ മലപ്പുറം കളക്‌ട്രേറ്റിന് മുന്നിൽ പിച്ചതെണ്ടൽ സമരം നടത്തി. ഐ.എൻ.ടി.യു.സി ജില്ല പ്രസിഡന്റ് വി.പി. ഫിറോസ് ഉദ്ഘാടനം ചെയ്തു. ഓണറേറിയം വർദ്ധിപ്പിച്ചില്ലെങ്കിൽ ശക്തമായ സമരത്തിന് ഐ.എൻ.ടി.യു.സി നേതൃത്വം നൽകുമെന്ന് അദ്ദേഹം പറഞ്ഞു.ആശാവർക്കേഴ്സ് കോൺഗ്രസ് ജില്ല പ്രസിഡന്റ് സഫിയ മൂച്ചിക്കൽ അധ്യക്ഷത വഹിച്ചു. പ്രേമശിഖ മങ്കട, പി. മഹറുന്നീസ, കെ.പി. ഗീത, ബേബിലത, മറിയാമ്മ തോമസ്, ബേബി ശ്രീധരൻ എന്നിവർ സംസാരിച്ചു.