വയോധികക്ക് മർദനമേറ്റ സംഭവം  അടിയന്തിര  റിപ്പോർട്ട്  തേടി മന്ത്രി ആർ.ബിന്ദു

മലപ്പുറം: നിലമ്പൂരിൽ മുൻ നൃത്താദ്ധ്യാപികയായ വൃദ്ധയ്ക്ക് ക്രൂരമർദ്ദനമേറ്റ സംഭവത്തിൽ മന്ത്രി ഡോ.ആർ.ബിന്ദു അടിയന്തര റിപ്പോർട്ട് തേടി. ജില്ലാ സാമൂഹ്യനീതി ഓഫീസറോട് ആവശ്യമായ നടപടികൾ സ്വീകരിക്കാനും റിപ്പോർട്ട് നൽകാനും മന്ത്രി നിർദേശിച്ചു. നിലമ്പൂർ സി.എച്ച് നഗറിലെ 80കാരിയായ പാട്ടത്തൊടി വീട്ടിൽ ഇന്ദ്രാണിക്കാണ് മർദ്ദനമേറ്റത്. അയൽക്കാർ പകർത്തിയ മർദ്ദന ദൃശ്യങ്ങൾ പുറത്തു വന്നതോടെയാണ് ക്രൂരത പുറംലോകമറിഞ്ഞത്. സംഭവത്തെ തുടർന്ന് നിലമ്പൂർ പൊലീസ് അയൽവാസിയായ ഷാജിയെ കസ്റ്റഡിയിലെടുത്തു.