ഡോക്ടർമാരെ ആദരിച്ചു

ചിറ്റൂർ: ഡോക്ടർ ദിനത്തോടനുബന്ധിച്ച് ചിറ്റൂർ പ്രതികരണവേദിയുടെ നേതൃത്വത്തിൽ ചിറ്റൂർ താലൂക്ക് ആശുപത്രിയിലെ ഡോക്ടർമാരെ ആദരിച്ചു. ഡോ. അശ്വിൻ, ഡോ. സുധേഷ്, ഡോ. ലേംന ജേക്കബ്, ഡോ. ആരതി, ഡോ. രജനി എന്നിവരെ ചിറ്റൂർ തത്തമംഗലം നഗരസഭ ചെയർപേഴ്സൺ ബി.കൃഷ്ണലീല ഷാൾ അണിയിച്ച് ആദരിച്ചു. പരിപാടിയിൽ ചിറ്റൂർ പ്രതികരണവേദി പ്രസിഡന്റ് എ.ശെൽവൻ അദ്ധ്യക്ഷത വഹിച്ചു. നഗരസഭ കൗൺസിലർ പി.ഗോപകുമാർ ആശംസ അർപ്പിച്ചു. സെക്രട്ടറി എം.മജേഷ് സ്വാഗതവും ഡോ. അശ്വിൻ നന്ദിയും പറഞ്ഞു.