ഉദ്ഘാടനം ചെയ്തു

ആലത്തൂർ: അത്യാഹിത വിഭാഗങ്ങളിൽ തടസ്സമില്ലാത്ത ജീവൻരക്ഷാ സേവനങ്ങൾ ഉറപ്പാക്കാൻ അസീസിയ ആശുപത്രിയിൽ സജ്ജമാക്കിയ പുതിയ ലിക്വിഡ് മെഡിക്കൽ ഓക്സിജൻ(എൽ.എം.ഒ) പ്ലാന്റ് സുമേഷ് അച്യുതൻ എം.എൽ.എ ഉദ്ഘാടനം ചെയ്തു. 13 കെ.എൽ സംഭരണശേഷിയുള്ള അത്യാധുനിക പ്ലാന്റ് ഉയർന്ന ഗുണനിലവാരമുള്ളതാണ്. പൂർണ്ണമായും ശുദ്ധീകരിച്ച മെഡിക്കൽ ഓക്സിജനാണ് രോഗികൾക്ക് ഉറപ്പാക്കുന്നത്. രോഗികളുടെ സുരക്ഷയ്ക്കും മികച്ച ചികിത്സയ്ക്കുമാണ് എക്കാലത്തും മുൻഗണന നൽകുന്നതെന്ന് മാനേജിംഗ് ഡയറക്ടർ ഡോ. ഹാഷിം അസീസ് വ്യക്തമാക്കി. മികച്ച ആരോഗ്യസേവനങ്ങൾ ഒരുക്കുന്ന അസീസിയയുടെ ഈ പുതിയ ചുവടുവെപ്പിനെ എം.എൽ.എ അഭിനന്ദിച്ചു.