മെഡിക്കൽ കിറ്റ്

പട്ടാമ്പി: കപ്പൂർ പഞ്ചായത്ത് സ്വാന്തന പരിചരണത്തിന്റെ ഭാഗമായി ഡയാലിസിസ് രോഗികൾക്കുള്ള സൗജന്യ മെഡിക്കൽ കിറ്റ് വിതരണം കുമരനല്ലൂർ ആശുപത്രിയിൽ വി.ടി.ബൽറാം എം.എൽ.എ ഉദ്ഘാടനം ചെയ്തു. കിഡ്നി രോഗികൾക്ക് മാസം തോറും കുമരനല്ലൂർ കുടുംബാരോഗ്യ കേന്ദ്രം വഴി കിറ്റ് നൽകും. കപ്പൂർ പഞ്ചായത്ത് പ്രസിഡന്റ് നസീമ നാസർ അദ്ധ്യക്ഷത വഹിച്ചു. മെഡിക്കൽ ഓഫീസർ ഡോ. മുഹമ്മദ് മുഹ്സിൻ, അലി കുമരനല്ലൂർ, കെ.സ്മിത, കെ.നൂറുൽ അമീൻ, ഷരീഫ് അന്നിക്കര, വി.പി.ഫാത്തിമ, കെ.കെ.കാദർഹാജി, പി.കെ.റഹീന, ഷിഹാബ് കൊള്ളനൂർ, ടി.ടി.നസീമ, എം.എം.അഷ്രഫ്, പ്രശാന്ത്, എസ്.വിനിത തുടങ്ങിയവർ സംസാരിച്ചു.