ഷെയ്ഖ് ഹസീനയുടെ വാർത്താസമ്മേളനത്തിൽ പങ്കെടുത്തു; ബംഗ്ലാദേശ് മുൻ ക്യാപ്റ്റന്റെ വീടിന് നേരെ പെട്രോൾ ബോംബേറ്

ധാക്ക: ബംഗ്ലാദേശ് ക്രിക്കറ്റ് ടീം മുൻ ക്യാപ്റ്റൻ ഷാക്കിബ് അൽ ഹാസന്റെ വീടിന് നേരെ പെട്രോൾ ബോംബേറ്. മഗുരയിലെ കേശബ് മോറിലുള്ള വീടിന് നേരെ ഇന്നലെ രാത്രി 8.45ഓടെയാണ് ആക്രമണം ഉണ്ടായത്. ലങ്കൻ പ്രീമിയർ ലീഗ് മത്സരങ്ങളുടെ ഭാഗമായി ശ്രീലങ്കയിലാണ് ഷാക്കിബ് ഇപ്പോഴുള്ളത്. ആൾതാമസമില്ലാതെ പൂട്ടിയിട്ടിരുന്ന വീടിന് നേരെയാണ് ആക്രമണം ഉണ്ടായത്.

ബംഗ്ലദേശ് മുൻ പ്രധാനമന്ത്രി ഷെയ്ഖ് ഹസീന നടത്തിയ വെർച്വൽ വാർത്താസമ്മേളനത്തിൽ ഷാക്കിബ് പങ്കെടുത്തിരുന്നു. ഇതിന് പിന്നാലെയാണ് താരത്തിന്റെ വീടിന് നേരെ ആക്രമണമുണ്ടായത്. വീടിന്റെ ജനലുകൾ തകർത്ത അക്രമികൾ വീടിന് തീയിട്ടതായാണ് ബംഗ്ലദേശ് മാദ്ധ്യമങ്ങൾ റിപ്പോർട്ട് ചെയ്യുന്നത്. പ്രദേശത്ത് കൂടുതൽ പൊലീസിനെ വിന്യസിച്ചു. ഷെയ്ഖ് ഹസീനയുടെ അവാമി ലീഗിന്റെ പാർലമെന്റ് അംഗമായിരുന്നു ഷാക്കിബ്. 2024ൽ ബംഗ്ലദേശ് വിട്ട ഷാക്കിബ് കുടുംബത്തോടൊപ്പം യുഎസിലാണ് താമസിക്കുന്നത്.

Torching residences : the cost of attending Awami League press conference
Neo fascism engulfs Bangladesh

A grisly petrol bomb attack took place at the residence of Bangladesh’s celebrated cricket icon Sakib Al hasan, hours after the world famous star cricketer appeared at a… pic.twitter.com/Uqmwwih3XG

— Bangladesh Awami League (@albd1971) August 5, 2026