കേരള ഹൈക്കോടതി ചീഫ് ജസ്റ്റിസുൾപ്പെടെ സുപ്രീംകോടതിയിൽ നാല് ജഡ്‌ജിമാർ കൂടി

ന്യൂഡൽഹി: കേരള ഹൈക്കോടതി ചീപ് ജസ്റ്റിസ് ഉൾപ്പെടെ നാല് ഹൈക്കോടതികളിലെ ചീഫ് ജസ്​റ്റിസുമാരെ സുപ്രീംകോടതി ജഡ്ജിമാരായി നിയമിച്ചു. കേരള ഹൈക്കോടതി ചീഫ് ജസ്​റ്റിസ് ഋഷികേശ് റോയ്, പഞ്ചാബ് ഹരിയാന ഹൈക്കോടതി ചീഫ് ജസ്റ്റിസ് കൃഷ്ണമുരാരി, രാജസ്ഥാൻ ഹൈക്കോടതി ചീഫ് ജസ്​റ്റിസ് എസ്.രവിചന്ദ്ര ഭട്ട്, ഹിമാചൽപ്രദേശ് ഹൈക്കോടതി ചീഫ് ജസ്​റ്റിസ് വി.രാമസുബ്രഹ്മണ്യൻ എന്നിവരെയാണ് സുപ്രിംകോടതി ജഡ്ജിമാരായി നിയമിച്ചത്.

ഇതോടെ സുപ്രിംകോടതി ജഡ്ജിമാരുടെ എണ്ണം 34 ആയി. നാല് പുതിയ ജഡ്ജിമാരെ നിയമിക്കാനുള്ള സുപ്രീംകോടതി കൊളീജിയത്തിന്റെ തീരുമാനത്തിന് കേന്ദ്ര സർക്കാർ അംഗീകാരം നൽകുകയായിരുന്നു. തിങ്കളാഴ്ച ഇവർ സത്യപ്രതിജ്ഞ ചെയ്‌തേക്കും.

ചീഫ് ജസ്​റ്റിസിനെ കൂടാതെ സുപ്രീംകോടതി ജഡ്ജിമാരുടെ എണ്ണം 30ൽ നിന്ന് 33 ആക്കി ഉയർത്താൻ ജൂലായിൽ ചേർന്ന കേന്ദ്രമന്ത്റിസഭാ യോഗമാണ് അനുമതി നൽകിയത്.