വൈറ്റ് ഹൗസിന് സമീപം വെടിവയ്പ്  പ്രതിയെ വധിച്ചു

വാഷിംഗ്ടൺ: യു.എസിൽ വൈറ്റ് ഹൗസിന് സമീപം വെടിവയ്പ് നടത്തിയ യുവാവിനെ സുരക്ഷാ ഉദ്യോഗസ്ഥർ വെടിവച്ചു കൊന്നു. ഇന്ത്യൻ സമയം ഇന്നലെ പുലർച്ചെ 3.30നായിരുന്നു സംഭവം. വൈറ്റ് ഹൗസിന് വടക്കു പടിഞ്ഞാറായുള്ള സുരക്ഷാ ചെക്ക്‌പോയിന്റിന് നേരെ മേരിലാൻഡ് സ്വദേശിയായ നസീർ ബെസ്റ്റ് (21)​ വെടിയുതിർക്കുകയായിരുന്നു. തുടർന്നുണ്ടായ ഏറ്റുമുട്ടലിൽ ഇയാൾ കൊല്ലപ്പെട്ടു. ബെസ്റ്റിന് മാനസിക പ്രശ്നമുണ്ടായിരുന്നെന്ന് പൊലീസ് പറഞ്ഞു. കഴിഞ്ഞ ജൂലായിൽ താൻ യേശു ക്രിസ്തുവാണെന്ന് അവകാശപ്പെട്ട് വൈറ്റ് ഹൗസിലെ സുരക്ഷാ മേഖലയിലേക്ക് പ്രവേശിക്കാൻ ശ്രമിച്ചതിന്റെ പേരിൽ ഇയാൾ അറസ്റ്റിലായിരുന്നു.