കാണിക്ക വഞ്ചി കുത്തിത്തുറന്ന് മോഷണം

കോട്ടയം : കാഞ്ഞിരപ്പള്ളി ഗണപതിയാർ കോവിലിലെ കാണിക്കവഞ്ചി കുത്തിത്തുറന്ന് പണം മോഷ്ടിച്ചു. ഇന്നലെ പുലർച്ചെ എത്തിയ ക്ഷേത്ര ഭാരവാഹികളാണ് മുൻവശത്തുള്ള കാണിക്കവഞ്ചി തുറന്നു കിടക്കുന്ന നിലയിൽ കണ്ടത്. തുടർന്ന് നടത്തിയ പരിശോധനയിൽ പണം നഷ്ടപ്പെട്ടതായി സ്ഥിരീകരിച്ചു. രണ്ടു മാസത്തോളമായി കാണിക്കവഞ്ചി തുറന്നിരുന്നില്ല. വലിയൊരു തുക വഞ്ചിയിൽ ഉണ്ടായിരുന്നതായാണ് കരുതപ്പെടുന്നത്. കൃത്യമായി എത്ര തുക നഷ്ടപ്പെട്ടെന്ന് പറയാനാകില്ലെന്ന് ഭാരവാഹികൾ പറഞ്ഞു.