കോട്ടപ്പാറ ജി.എൽ.പി സ്കൂൾ വാർഷികം

കാഞ്ഞങ്ങാട്: കോട്ടപ്പാറ ഗവൺമെന്റ് എൽ.പി സ്കൂൾ 53-ാം വാർഷികാഘോഷം കേരള ക്ഷേത്രകല അക്കാഡമി ചെയർമാൻ ഡോ. രാമചന്ദ്രൻ കാഞ്ഞങ്ങാട് ഉദ്ഘാടനം ചെയ്തു. പി.ടി.എ പ്രസിഡന്റ് കെ.പി സുകുമാരൻ അദ്ധ്യക്ഷനായി. കെ.എസ്. സ്വർണ മുഖ്യ അതിഥിയായി. റോട്ടറി കാഞ്ഞങ്ങാട് നേഷൻ ബിൽഡർ അവാർഡ് നേടിയ സീനിയർ അസിസ്റ്റന്റ് ബി. നിഷാന്ത് മാസ്റ്ററെ ആദരിച്ചു. വികസന സമിതി ചെയർമാൻ എ. വേലായുധൻ, മദർ പി.ടി.എ പ്രസിഡന്റ് ധനശ്രീ മനോജ്, എം.സി സുനിൽ മുല്ലശ്ശേരി, പി.ടി.എ വൈസ് പ്രസിഡന്റ് എം. രതീഷ് എന്നിവർ സംസാരിച്ചു. സ്കൂൾ എച്ച്.എം സുനിൽകുമാർ സ്വാഗതവും സീനിയർ അസിസ്റ്റന്റ് ബി. നിഷാന്ത് മാസ്റ്റർ നന്ദിയും പറഞ്ഞു. വാർഷികാഘോഷത്തിന്റെ ഭാഗമായി കുട്ടികളുടെ വിവിധ കലാപരിപാടികളും അമ്മമാരുടെ കൈകൊട്ടിക്കളിയും കാഞ്ഞങ്ങാട് ജനിയുടെ 'ചൂട്' നാടകവും അരങ്ങേറി.