തരിശുപാടങ്ങളിൽ ഞാറുനടീൽ

തൃക്കരുവ: തൃക്കരുവ ഗ്രാമപഞ്ചായത്തിലെ ഇഞ്ചവിള പാവൂർ ഏലായിൽ തരിശുപാടങ്ങളിൽ വീണ്ടും കൃഷിയിറക്കുന്നതിന്റെ ഭാഗമായി ഞാറുനടീൽ സംഘടിപ്പിച്ചു. ഏലായുടെ ഭാഗമായ കടപ്പൻചിറയിൽ നടന്ന ചടങ്ങിൽ ഗ്രാമപഞ്ചായത്തംഗം എ.അനിൽകുമാർ ഞാറുനട്ട് ഉദ്ഘാടനം നിർവഹിച്ചു. 15 ഏക്കറോളം വരുന്ന തരിശുസ്ഥലത്ത് ഇത്തവണ കൃഷിയിറക്കുമെന്ന് കർഷകർ പറഞ്ഞു. തൃക്കരുവ കൃഷി ഓഫീസർ എ.ആർ.അഷിത, കൃഷി അസിസ്റ്റന്റുമാരായ ടി.എസ്.സുരേഷ്, സിൽജി എന്നിവരും കർഷകരായ ആനന്ദൻ പിള്ള, കരുണാകരൻ പിള്ള, കുറ്റിക്കാട്ടിൽ അനി, വിശ്വേശരൻ പിള്ള, വസന്തകുമാരി, കർഷകത്തൊഴിലാളികൾ, നാട്ടുകാർ എന്നിവർ പങ്കെടുത്തു.

.