വായനപക്ഷാചരണം

പന്തളം : സംസ്ഥാന ലൈബ്രറി കൗൺസിൽ നിർദ്ദേശപ്രകാരം നടത്തിയ ഐ.വി.ദാസ് അനുസ്മരണവും വായനപക്ഷാചരണവും പന്തളം പബ്ലിക് ലൈബ്രറിയിൽ സമാപിച്ചു. പ്രസിഡന്റ് അഡ്വ.എസ്.കെ.വിക്രമൻ ഉണ്ണിത്താന്റെ അദ്ധ്യക്ഷ​തയിൽ ചേർന്ന യോഗം നഗരസഭ കൗൺസിലർ കെ.ആർ.രവി ഉദ്ഘാടനം ചെയ്തു. സാഹിത്യകാരി സുമരാജശേഖരൻ വായനയുടെ പ്രസക്തി എന്ന വിഷയത്തിൽ പ്രഭാഷണം നടത്തി. മേഖല കൺവീനർ ബി.ബിനു, ഐ.വി.ദാസ് അനുസ്മരണം ന​ടത്തി. സെക്രട്ടറി പി.ജി.രാജൻ ബാബു, പ്രൊഫ.വി.രമാദേവി, ആർ.സന്തോഷ്, ആർ.സുരേഷ്‌കു​മാർ, ടി.എസ്.ശശിധരൻ, കെ.എൻ.ജി.നായർ, എൻ.രാമചന്ദ്രൻനായർ, ടി.കെ.സതീഷ്‌കുമാർ എന്നിവർ പ്രസംഗിച്ചു.