പ്രതിഷേധ മാർച്ചും ധർണയും

തിരുവല്ല : നെടുംപറമ്പിൽ ക്രെഡിറ്റ് സിൻഡിക്കേറ്റ് എംപ്ലോയീസ് വെൽഫയർ സൊസൈറ്റിയുടെ നേതൃത്വത്തിൽ ജീവനക്കാരും നിക്ഷേപകരും പ്രതിഷേധ മാർച്ചും ധർണയും നടത്തി. ഹെഡ് ഓഫിസിന് മുന്നിൽ നടന്ന ധർണ പുളിക്കീഴ് ബ്ലോക്ക് പഞ്ചായത്ത് പ്രസിഡന്റ് ഈപ്പൻ കുര്യൻ ഉദ്ഘാടനം ചെയ്തു. എംപ്ളോയീസ്-വെൽഫയർ സൊസൈറ്റി ഭാരവാഹികളായ പ്രസന്നകുമാരൻ നായർ, മാത്തുക്കുട്ടി, ടി.ടി.തോമസ്, മുരളീധരൻ പിള്ള, ഡയാന മാഗി വർഗീസ് എന്നിവർ സംസാരിച്ചു. സൊസൈറ്റിയുടെ ആവശ്യങ്ങൾ മാനേജ്‌മെന്റ് അംഗീകരിച്ചില്ലെങ്കിൽ ശക്തമായ സമരവുമായി മുന്നോട്ട് പോകാനും യോഗം തീരുമാനിച്ചു.