ഏകദിന മാദ്ധ്യമ സെമിനാറും ശില്പശാലയും

തിരുവനന്തപുരം: ഇൻസ്റ്റിറ്റ്യൂഷൻ ഒഫ് എൻജിനിയേഴ്സ് കേരള സ്റ്രേറ്ര് സെന്ററും ഫാം റൈറ്റേഴ്സ് ഫോറവും സംയുക്തമായി സംഘടിപ്പിക്കുന്ന ഏകദിന മാദ്ധ്യമ സെമിനാറും ശില്പശാലയും അവാർഡ് സമർപ്പണവും 24ന് രാവിലെ 9.30ന് വിശ്വേശരയ്യ ഭവൻ ദ ഇൻസ്റ്റിറ്റ്യൂഷൻ ഒഫ് എൻജിനിയേഴ്സ് ഹാളിൽ നടക്കും. സമാപന സമ്മേളനത്തിൽ കാർഷിക മാദ്ധ്യമ മേഖലയിൽ മികവ് തെളിയിച്ചവരെ ആദരിക്കും. ഇതോടനുബന്ധിച്ച് ഇൻസ്റ്റിറ്റ്യൂഷൻ ഒഫ് എൻജിനിയേഴ്സ് (ഇന്ത്യ) ലൈബ്രറിയുടെ ഭാഗമായി പുതിയ കൃഷി പുസ്‌തക കോർണറിന്റെ പ്രവർത്തനോദ്ഘാടനവും കാർഷികോത്പന്നങ്ങളുടെ പ്രദർശനവും വില്പനയും ഉണ്ടായിരിക്കും.