ട്രൈബൽ മന്ത്രാലയം ചിന്തൻ ശിബിർ പതഞ്ജലിയിൽ

ഹരിദ്വാർ: കേന്ദ്ര ട്രൈബൽ മന്ത്രാലയത്തിലെ ഉദ്യോഗസ്ഥരുടെ രണ്ട് ദിവസത്തെ ചിന്തൻ ശിബിർ ഹരിദ്വാറിലെ പതഞ്ജലി സർവകലാശാലയിൽ സംഘടിപ്പിച്ചു. ട്രൈബൽ സമൂഹങ്ങളുടെ സമഗ്ര വികസനവും ശക്തീകരണവും ലക്ഷ്യമിടുന്ന ശിബിറിൽ വിവിധ സംസ്ഥാനങ്ങളിലെ പ്രധാന സെക്രട്ടറിമാർ, മന്ത്രാലയത്തിലെ മുതിർന്ന ഉദ്യോഗസ്ഥർ, വിഷയ വിദഗ്ധർ തുടങ്ങിയവർ പങ്കെടുത്തു. പതഞ്ജലി സർവകലാശാലയുടെ വൈസ് ചാൻസലർ ആചാര്യ ബാലകൃഷ്ണ മുഖ്യാതിഥികളെ ആദരിച്ചു. രാജ്യത്തിന്റെ സംയോജിത വികസനത്തിന് ട്രൈബൽ സമൂഹത്തിന്റെ പരമ്പരാഗത അറിവുകളെ ആധുനിക ശാസ്‌ത്രവുമായി യോജിപ്പിച്ച് ഉപയോഗപ്പെടുത്തണമെന്ന് കേന്ദ്ര മന്ത്രി ജുവൽ ഓറം പറഞ്ഞു. യോഗഗുരു ബാബാ രാംദേവ് ചടങ്ങിൽ പങ്കെടുത്തു.