വണ്ടർലാ കൊച്ചിയിൽ ഓണാഘോഷത്തിന് തുടക്കം

കൊച്ചി: കേരളത്തിന്റെ സാംസ്‌കാരിക പൈതൃകവും വിനോദപരിപാടികളും സമന്വയിപ്പിച്ച് വണ്ടർലാ കൊച്ചിയിൽ ഓണാഘോഷങ്ങൾ ആരംഭിച്ചു. ആഗസ്‌റ്റ് 30വരെ നീളുന്ന ആഘോഷത്തിൽ കലാരൂപങ്ങൾ, ലൈവ് മ്യൂസിക്, സ്ട്രീറ്റ് മാജിക്, ഡി.ജെ സെഷനുകൾ, റൈഡുകൾ എന്നിവ ആസ്വദിക്കാം.

26 മുതൽ 30 വരെ മഹാബലിയും വാമനനും അണിനിരക്കുന്ന ഓണഘോഷയാത്രയും നടക്കും. ഓണാഘോഷത്തിന് 30 വരെ 37 ശതമാനം വരെ ഇളവോടെ ടിക്കറ്റുകൾ 999 രൂപ മുതൽ ലഭിക്കും. നികുതികൾ അധികമായിരിക്കും.

ഒരുമയുടെയും സന്തോഷത്തിന്റെയും ആഘോഷമായ ഓണക്കാലത്ത് അതിഥികൾക്ക് മറക്കാനാവാത്ത അനുഭവം ഒരുക്കുമെന്ന് വണ്ടർലാ ഹോളിഡേയ്‌സ് ലിമിറ്റഡിന്റെ ചീഫ് ഓപ്പറേറ്റിംഗ് ഓഫീസർ ധീരൻ ചൗധരി പറഞ്ഞു.