തമിഴ്നാട് ഗവർണർ 3 ദിവസം ഡൽഹിയിൽ

ചെന്നൈ: നിയമപോരാട്ടത്തിനൊരുങ്ങി തമിഴ്നാട് ഗവർണർ ആർ.എൻ. രവി ഡൽഹിയിൽ. തടഞ്ഞുവച്ച ബില്ലുകൾ സംബന്ധിച്ച സുപ്രീംകോടതി വിധിയിൽ പുനഃപരിശോധന ഹർജി നൽകിയേക്കുമെന്നാണ് റിപ്പോർട്ട്. എ.ജിയേയും മറ്റ് നിയമ വിദഗ്ദ്ധരെയും കാണുമെന്നാണ് സൂചന. രാഷ്ട്രപതി, പ്രധാനമന്ത്രി, ആഭ്യന്തരമന്ത്രി, നിയമമന്ത്രി എന്നിവരുമായി കൂടിക്കാഴ്ച നടത്തിയേക്കും. അറ്റോർണി ജനറൽ,​ സോളിസിറ്റർ ജനറൽ എന്നിവരെയും കാണും. മൂന്ന് ദിവസം തലസ്ഥാനത്ത് തുടരും. നിയമസഭ പാസാക്കിയ ബില്ലുകൾ അനിശ്ചിതമായി തടഞ്ഞുവയ്ക്കാൻ ഗവർണർക്ക് അധികാരമില്ലെന്ന സുപ്രീംകോടതി ഉത്തരവിൽ നിയമപോരാട്ടം നടത്തുമെന്നാണ് റിപ്പോർട്ട്. സുപ്രീംകോടതി ഉത്തരവ് വന്നശേഷം ഗവർണർ ഇതുവരെ പ്രതികരിച്ചിട്ടില്ല.