631 പേർക്ക് കൊവിഡ്

പാലക്കാട്: ജില്ലയിൽ ഇന്നലെ 631 പേർക്ക് കൊവിഡ് സ്ഥിരീകരിച്ചു. സമ്പർക്കത്തിലൂടെ- 421, ഉറവിടമറിയാതെ- 201,​ അന്യസംസ്ഥാനങ്ങളിൽ നിന്നുള്ള- 8, വിദേശത്ത് നിന്നുള്ള ഒരാൾക്കുമാണ് രോഗം. 206 പേർ രോഗമുക്തരായി. 28ന് മരിച്ച മേലാമുറി സ്വദേശിക്കും (61) രോഗം സ്ഥിരീകരിച്ചു.

ഇതോടെ ജില്ലയിൽ ചികിത്സയിലുള്ളവരുടെ എണ്ണം 4048 ആയി. ജില്ലക്കാരായ ഒരാൾ വീതം കണ്ണൂർ, കോട്ടയം,​ രണ്ടുപേർ ആലപ്പുഴ, തിരുവനന്തപുരം, 19 പേർ തൃശൂർ, 15 പേർ കോഴിക്കോട്, 28 പേർ എറണാകുളം, 41 പേർ മലപ്പുറം ജില്ലകളിൽ ചികിത്സയിലുണ്ട്.