SignIn
Kerala Kaumudi Online
Friday, 23 April 2021 2.42 PM IST

'നിയമസഭാ തിരഞ്ഞെടുപ്പിൽ തത്ക്കാലം മത്സരിക്കാനില്ല'; യുവാക്കളും പ്രൊഫഷണലുകളും സെലിബ്രിറ്റികളും അടക്കം പുതിയ ടീം കളത്തിലിറങ്ങുമെന്ന് കോടിയേരി ബാലകൃഷ്‌ണൻ

kodiyeri-balakrishnan

തിരുവനന്തപുരം: മാസങ്ങൾ നീണ്ട മൗനത്തിന് ശേഷം സമകാലീന രാഷ്ട്രീയ വിഷയങ്ങളിൽ പ്രതികരിച്ചും നിയമസഭാ തിരഞ്ഞെടുപ്പിലെ സി പി എം നിലപാട് വിശദീകരിച്ചും മുൻ സംസ്ഥാന സെക്രട്ടറി കോടിയേരി ബാലകൃഷ്‌ണൻ.നിയമസഭാ തിരഞ്ഞെടുപ്പിൽ തത്ക്കാലം മത്സരിക്കാനില്ലെന്നും അദ്ദേഹം പറഞ്ഞു. ഇത് തന്റെ വ്യക്തിപരമായ തീരുമാനമാണ്. ബാക്കി പാർട്ടി പറയുമെന്നും കോടിയേരി പറഞ്ഞു.

നിയമസഭാ തിരഞ്ഞെടുപ്പിൽ രണ്ടു തവണ ജയിച്ചവർ മാറും. ചില പ്രത്യേക സാഹചര്യങ്ങളിൽ ചിലർക്ക് ഇളവ് നൽകേണ്ടി വരും. ചില മണ്ഡലങ്ങളിൽ വിജയസാദ്ധ്യതയാകും ഒരു ഘടകം. കഴിയുന്നത്ര പുതിയൊരു ടീമിനെ കൊണ്ടുവരാനാണ് ലക്ഷ്യമിടുന്നത്. അതിൽ യുവാക്കളും പ്രൊഫഷണലുകളും സെലിബ്രിറ്റികളും കാണുമെന്നും കോടിയേരി പറഞ്ഞു.

കോൺഗ്രസ് മുക്ത ഭാരതമല്ല, മതനിരപേക്ഷത നിലനിൽക്കുന്ന ഭാരതമാണ് സി പി എം ലക്ഷ്യമിടുന്നത്. കോൺഗ്രസുമായി സഹകരിക്കുന്ന സംസ്ഥാനങ്ങളിലെല്ലാം ബി ജെ പിയെ തോൽപ്പിക്കാനാണ് സി പി എമ്മിന്റെ ശ്രമം. കോൺഗ്രസിനെ തോൽപ്പിക്കാൻ സി പി എമ്മിനെ സഹായിക്കാമെന്നത് സംഘപരിവാറിന്റെ പ്രചാരവേലയാണെന്നും കോടിയേരി പറഞ്ഞു.

കേരളത്തിൽ കോൺഗ്രസ് അധികാരത്തിൽ വന്നാൽ ബി ജെ പിക്ക് അവരെ വിലയ്‌ക്കെടുക്കാനാകും. സംസ്ഥാനത്ത് സി പി എം തകർന്നാലേ ബി ജെ പിക്ക് രക്ഷയുളളൂ. പശ്ചിമബംഗാളിലും ത്രിപുരയിലും സി പി എം ക്ഷീണിച്ചപ്പോഴാണ് ബി ജെ പിക്ക് മുന്നേറാനായതെന്നും കോടിയേരി ബാലകൃഷ്‌ണൻ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CPM, LDF, KODIYERI BALAKRISHNAN, ASSEMBLY ELECTION
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.