കാട്ടാന ആക്രമണം തടയാൻ സ്‌പെഷ്യൽ റിസർവ് ഫോഴ്സ്

തിരുവനന്തപുരം: തുടരെയുള്ള കാട്ടാന ആക്രമണങ്ങളുടെ പശ്ചാത്തലത്തിൽ 500 പേരുടെ സ്‌പെഷ്യൽ റിസർവ് ഫോഴ്സ് അടിയന്തരമായി രൂപീകരിക്കാൻ നിർദ്ദേശം നൽകി മന്ത്രി ഷിബു ബേബി ജോൺ. വന്യജീവികൾ മൂലമുള്ള അപകടസാധ്യതകൾ ഒഴിവാക്കുക, മനുഷ്യവന്യജീവി സംഘർഷങ്ങൾ കൂടുതൽ ഫലപ്രദമായി ലഘൂകരിക്കുകയെന്നതാണ് സ്‌പെഷ്യൽ റിസർവ് ഫോഴ്സിന്റെ ലക്ഷ്യം. കാട്ടാന സാന്നിദ്ധ്യം പതിവായുള്ള ഹോട്ട് സ്പോട്ടുകളിൽ അഞ്ചുപേർ വീതമുള്ള 100 ബാച്ചുകളായാണ് യൂണിറ്റുകൾ രൂപീകരിക്കുന്നത്. പ്രദേശത്തെ സംബന്ധിച്ച് അറിവുള്ള ഗോത്രവർഗ്ഗ വിഭാഗത്തിൽപ്പെടുന്നവരും വനം വകുപ്പിൽ നിന്നും വിരമിച്ച വിദഗ്ധരും പരിചയസമ്പന്നരായ തദ്ദേശവാസികളും സാങ്കേതിക പരിജ്ഞാനമുള്ളവരുമാണ് ഫോഴ്സിലുള്ളത്.