നബിദിന റാലിയിലേക്ക് മദ്യപസംഘം കാർ ഓടിച്ചുകയറ്റി,​ മൂന്നു കുട്ടികൾക്ക് പരിക്ക്

ആലപ്പുഴ : ചെങ്ങന്നൂർ കൊല്ലകടവിൽ നബിദിന റാലിക്കിടയിലേക്ക് കാർ ഓടിച്ചു കയറ്റിയുണ്ടായ അപകടത്തിൽ മൂന്നു കുട്ടികൾക്ക് പരിക്ക്. റാലിയിൽ പങ്കെടുത്ത മൂന്നുകുട്ടികൾക്കാണ്

പരിക്കേറ്റത്. പത്തനംതിട്ട ഇലവുംതിട്ട സ്വദേശി അനുദേവ്,​ വെൺമണി സ്വദേശി അനുരാജ്,​ മെഴുവേലി സ്വദേശ അബിൻ എന്നിവരാണ് കാറിൽ ഉണ്ടായിരുന്നത്. കാറിൽ ഉണ്ടായിരുന്ന മൂന്നുപേരെയും പൊലീസ് കസ്റ്റഡിയിലെടുത്തു. മദ്യലഹരിയിലാണ് മൂവരുമെന്ന് പൊലീസ് പറഞ്ഞു. സംഭവത്തിൽ മൂന്നുപേർക്കെതിരെ പൊലീസ് കേസെടുത്തു. പൊലീസിന്റെ പരിശോധനയിൽ കാറിൽ നിന്നും മദ്യകുപ്പികൾ കണ്ടെടുത്തു.