പാലക്കാട്ട് വീണ്ടും തെരുവുനായ ആക്രമണം; കടിയേറ്റത് ഫ്ലിപ്‌കാർട്ട് ഡെലിവറി ജീവനക്കാരന്

പാലക്കാട്: ഒറ്റപ്പാലം നഗരത്തിൽ വീണ്ടും തെരുവുനായ ആക്രമണം. ഫ്ലിപ്‌കാർട്ട് ഡെലിവറി ജോലി ചെയ്യുന്ന യുവാവിനാണ് നായയുടെ കടിയേറ്റത്. ഉന്ന് ഉച്ചയോടെ പാലക്കാട് നഗരത്തിലെ കമലാലയം റോഡിലായിരുന്നു സംഭവം.

മായന്നൂ‌ർ കൊണ്ടാഴി സ്വദേശിയായ സജിത്തിനാണ് (35) തെരുവുനായയുടെ കടിയേറ്റത്. ഫ്ലിപ്‌കാർട്ടിൽ ഓർഡർ ചെയ്‌ത സാധനം ഉപഭോക്താവിന് കൈമാറാൻ എത്തിയതായിരുന്നു സജിത്ത്. യുവാവിന്റെ ഇടത് കാലിൽ ആഴത്തിൽ മുറിവേറ്റിട്ടുണ്ട്. നിലവിൽ ഇയാളെ താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്.