റോജി എം.ജോൺ വിവാഹിതനായി

അങ്കമാലി: എ.ഐ.സി.സി സെക്രട്ടറിയും അങ്കമാലി എം.എൽ.എയുമായ റോജി എം.ജോണും കാലടി മാണിക്യമംഗലം പുളിയേലിപ്പടി കോലഞ്ചേരി പൗലോസിന്റെ മകൾ ലിപ്സിയും വിവാഹിതരായി. ഇന്നലെ ഉച്ചയ്ക്കുശേഷം അങ്കമാലി സെന്റ് ജോർജ് ബസിലിക്കയിൽ നടന്ന ചടങ്ങിൽ ബന്ധുക്കളും സുഹൃത്തുക്കളും ഉൾപ്പെടെ 150ഓളം പേർ പങ്കെടുത്തു. ബെന്നി ബഹനാൻ എം.പി, എം.എൽ.എമാരായ ഉമ തോമസ്, അൻവർ സാദത്ത്, മുൻ എം.എൽ.എ പി.ജെ.ജോയി എന്നിവർ സംബന്ധിച്ചു. വിവാഹച്ചെലവ് ചുരുക്കി മണ്ഡലത്തിലെ ഒരു നിർദ്ധന കുടുംബത്തിന് വീട് നിർമ്മിച്ചുനൽകുമെന്ന് എം.എൽ.എ പറഞ്ഞു.