ആഭരണ നിർമ്മാണ തൊഴിലാളി ഫെഡറേഷൻ സമ്മേളനം

തൃശൂർ: സംസ്ഥാന ആഭരണ നിർമ്മാണ തൊഴിലാളി ഫെഡറേഷന്റെ (സി.ഐ.ടി.യു) ഏഴാം സംസ്ഥാന സമ്മേളനം അഴീക്കോടൻ സ്മാരക ഹാളിൽ സി.ഐ.ടി.യു സംസ്ഥാന വൈസ് പ്രസിഡന്റ് യു.പി. ജോസഫ് ഉദ്ഘാടനം ചെയ്തു. ഫെഡറേഷൻ പ്രസിഡന്റ് കെ. മനോഹരൻ അദ്ധ്യക്ഷത വഹിച്ചു. സ്വർണാഭരണ വ്യാപാരികൾ ക്ഷേമനിധിയിലേക്ക് അടയ്‌ക്കേണ്ട സെസ് തുക പിരിച്ചെടുത്ത് തൊഴിലാളി ക്ഷേമനിധി സംരക്ഷിക്കുക,മിനിമം കൂലി പുതുക്കുക,ബാങ്കുകളിൽ ഗോൾഡ് അപ്രൈസർമാരായി ആഭരണ നിർമ്മാണ തൊഴിലാളികളെ നിയമിക്കുക തുടങ്ങിയ ആവശ്യങ്ങൾ സമ്മേളനം പ്രമേയത്തിലൂടെ ഉന്നയിച്ചു. ജനറൽ സെക്രട്ടറി വി.പി. സോമസുന്ദരൻ,ട്രഷറർ കെ.എം. ഗണേശൻ,ടി.വി. രാജൻ,കെ. ജയരാജൻ,കെ.ബി. സുകുമാരൻ,എസ്. ശങ്കർ,സ്വാഗതസംഘം ചെയർമാൻ പി.കെ. ഷാജൻ,പി.ബി. സുരേന്ദ്രൻ തുടങ്ങിയവർ സംസാരിച്ചു. ഭാരവാഹികൾ: കെ. മനോഹരൻ (പ്രസിഡന്റ്),വി.പി. സോമസുന്ദരൻ (ജനറൽ സെക്രട്ടറി),കെ.എം. ഗണേശൻ (ട്രഷറർ),ടി.വി. രാജൻ,ഐ.കെ. വിഷ്ണുദാസ്,ശ്യാമള വേണുഗോപാൽ,സി. സേതുമാധവൻ,എസ്. ശങ്കർ (വൈസ് പ്രസിഡന്റുമാർ).