ലീഗൽ കൺസൾട്ടന്റ് ഒഴിവ്

തിരുവനന്തപുരം; വിദേശരാജ്യങ്ങളിലെ കേരളീയർക്ക് സൗജന്യ നിയമോപദേശം ലഭ്യമാക്കുന്ന നോർക്ക റൂട്ട്സിന്റെ പ്രവാസി ലീഗൽ എയ്ഡ് സെല്ലിന്റെ ലീഗൽ കൺസൾട്ടന്റുമാരുടെ ഒഴിവുകളിലേയ്ക്ക് അപേക്ഷ ക്ഷണിച്ചു. സൗദി അറേബ്യ, യു.എ,ഇ, കുവൈറ്റ്, ഖത്തർ, ഓസ്‌ട്രേലിയ, കാനഡ, മലേഷ്യ എന്നിവിടങ്ങളിലാണ് അവസരം. അഭിഭാഷകനായി വിദേശ രാജ്യത്ത് ചുരുങ്ങിയത് രണ്ടു വർഷത്തെ പ്രവൃത്തി പരിചയമുളളവർക്ക് അപേക്ഷിക്കാം. താത്പര്യമുളളവർ നോർക്ക റൂട്ട്സിന്റെ ഔദ്യോഗിക വെബ്‌സൈറ്റായ www.norkaroots.kerala.gov.in സന്ദർശിച്ച് 15നകം അപേക്ഷ നൽകണം.