ജീവനക്കാർക്ക് പഠനക്ലാസ്

​മാവേലിക്കര: കേരള കോപ്പറേറ്റീവ് എംപ്ലോയീസ് യൂണിയൻ (സി.ഐ.ടി.യു)​ മാവേലിക്കര ഏരിയ കമ്മിറ്റിയുടെ നേതൃത്വത്തിൽ സഹകരണ ജീവനക്കാർക്കായി പഠനക്ലാസ്സ് സംഘടിപ്പിച്ചു. യൂണിയൻ ജില്ലാ സെക്രട്ടറി മനു ദിവാകരൻ ഉദ്ഘാടനം ചെയ്തു.​ മാവേലിക്കര ഏരിയ പ്രസിഡന്റ് ബിനോയ്.എച്ച് അധ്യക്ഷനായി. സി.പി.എം മാവേലിക്കര ഏരിയ സെക്രട്ടറി ജി.അജയകുമാർ മുഖ്യപ്രഭാഷണം നടത്തി. ​തുടർന്ന് കണ്ണൂർ സീനിയർ ഓഡിറ്റർ ശ്രീജിത്ത് പാനൂരും മാവേലിക്കര എ.ഡി ഉണ്ണികൃഷ്ണനും ക്ലാസുകൾ നയിച്ചു. ആർ.രവീന്ദ്രൻ,എസ്.അനിരുദ്ധൻ,വി.എസ്.പുഷ്പരാജ്, കെ.എസ്.ജയപ്രകാശ്, രാജേഷ് ആർ.ചന്ദ്രൻ,ആർ.വിജയരാജ് എന്നിവർ സംസാരിച്ചു.ഏരിയ സെക്രട്ടറി കെ.ശ്രീപ്രകാശ് സ്വാഗതവും എസ്.സിന്ധുകുമാരി നന്ദിയും പറഞ്ഞു.