കൊച്ചിൻ ദേവസ്വം ബോർഡ് കോളേജുകൾ​: 'പാര' വച്ചത് സർക്കാർ തന്നെ

കൊച്ചി​: ഇടതു നിയന്ത്രണത്തിലുള്ള കൊച്ചിൻ ദേവസ്വം ബോർഡിന് കീഴിലെ തൃശൂർ കേരളവർമ്മ, ശ്രീവി​വേകാനന്ദ കോളേജുകളിലെ 22 നോൺ ടീച്ചിംഗ് സ്റ്റാഫ് ഒഴിവുകളിലേക്ക് നിയമനാനുമതി നൽകിയ യു.ഡി.എഫ് സർക്കാർ തന്നെ അതിന്റെ വഴി മുടക്കി.

അഞ്ചു മാസത്തിനകം ബോർഡിന്റെ കാലാവധി തീരാനിരിക്കെയാണ് യു.ഡി.എഫ് സർക്കാർ നിയമനത്തിന് അനുമതി നൽകിയത്. വിജ്ഞാപനവും വന്നു. ഇതിന്റെ 'ഗുണം" ഇടതുപക്ഷത്തിന് കിട്ടുമെന്നറിഞ്ഞതോടെ, കോൺഗ്രസ് നേതാക്കൾ സമ്മർദ്ദ തന്ത്രമിറക്കി. സെലക്ഷൻ കമ്മിറ്റിയിലേക്കുള്ള സർക്കാർ പ്രതിനിധിയുടെ നോമിനേഷൻ ഉന്നത വിദ്യാഭ്യാസ വകുപ്പ് ചൊവ്വാഴ്ച റദ്ദാക്കി. ഇതോടെ ഇടതു ഭരണത്തിലുള്ള ബോർഡിന് നിയമനം നടത്താനാവില്ലെന്ന് ഉറപ്പായി.

നിയമ വകുപ്പിലെ അഡിഷണൽ സെക്രട്ടറി കെ.പി. ബീനയെയാണ് സർക്കാർ പ്രതിനിധിയാക്കിയിരുന്നത്. മാർച്ചി​ൽ മൂന്നംഗ ദേവസ്വം ബോർഡി​ലെ പ്രസി​ഡന്റായ സി​.പി.എം അംഗം കെ. രവീന്ദ്രനും സി​.പി​.ഐ അംഗം കെ.പി​. അജയനും ഒഴി​യും. പുതി​യ അംഗങ്ങളെ യു.ഡി.എഫ് സർക്കാർ നിയമിച്ചശേഷമായിരിക്കും ഇനി നിയമന നടപടി തുടരുന്നത്.

ദേവസ്വം റി​ക്രൂട്ട്മെന്റ് ബോർഡി​ന് ദേവസ്വം വി​ദ്യാഭ്യാസ സ്ഥാപനങ്ങളി​ൽ നി​യമനാധി​കാരം ഇല്ലാത്തതിനാൽ എഴുത്തു പരീക്ഷ നടത്തണമെന്നി​ല്ല. ഇഷ്ടക്കാർക്ക് തോന്നി​യ മാർക്ക് നൽകി​ നി​യമനം നൽകുന്നതാണ് പതി​വ്. ​ സംവരണവും ബാധകല്ല. ഭി​ന്നശേഷി​ക്കാർക്ക് മാത്രമാണ് സംവരണം.

പ്യൂൺ മുതൽ

ക്ളാർക്ക് വരെ

പ്യൂൺ​, ലൈബ്രേറി​യൻ, മെക്കാനി​ക്, കമ്പ്യൂട്ടർ അസി​സ്റ്റന്റ്, സ്റ്റോർ കീപ്പർ, എൽ.ഡി​ ക്ളാർക്ക് തസ്തി​കകളി​ലെ

ഒഴി​വുകളി​ലേക്കാണ് വിജ്ഞാപനം. ഓരോന്നി​നും ആയി​രം രൂപ വീതമാണ് ഫീസ്. കഴിഞ്ഞ തവണ നൂറു രൂപയായിരുന്നു. യോഗ്യത അടക്കമുള്ള വിശദ വിവരങ്ങൾ ദേവസ്വം വെബ്സൈറ്റിൽ പ്രസിദ്ധപ്പെടുത്തി. നവംബർ 27നകം അപേക്ഷിക്കണം. എയ്ഡഡ് കോളേജുകളിലെ യു.ജി​.സി​ സ്കെയി​ൽ നിയമനത്തിന് ഏറെ അപേക്ഷകരുണ്ടായേക്കും.

മിനിമം 30 ലക്ഷം

ഒരു നിയമനത്തിന് കുറഞ്ഞത് 30 ലക്ഷം രൂപയാണ് കോഴ. അദ്ധ്യാപക നിയമനത്തിന് ഒരു കോടി​യും. കേരളവർമ്മ കോളേജി​ൽ ലക്ചറർ നി​യമനക്കോഴയുമായി​ ബന്ധപ്പെട്ടാണ് 2022ൽ ഒരു ബോർഡംഗം ദേവസ്വം ക്വാർട്ടേഴ്സി​ൽ തൂങ്ങി ​മരി​ച്ചതെന്ന് ആരോപണമുയർന്നി​രുന്നു. 2013ൽ ഇതേ തസ്തി​കകളി​ലേക്ക് വാങ്ങി​യ അപേക്ഷകളി​ൽ നടപടി​യുണ്ടായി​ല്ല.