രാമന്തളി പഞ്ചായത്തിൽ നിർമലം ശുചിത്വ കേരളം

പയ്യന്നൂർ: രാമന്തളി ഗ്രാമപഞ്ചായത്ത് നിർമലം പുതുയുഗ ശുചിത്വ കേരളം പഞ്ചായത്ത് തല ഉദ്ഘാടനം എട്ടിക്കുളം ബീച്ചിൽ പഞ്ചായത്ത്‌ പ്രസിഡന്റ് ഒ.കെ ശശി നിർവ്വഹിച്ചു. വാർഡ് മെമ്പർ കെ. അമീഫ അദ്ധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർപേഴ്സൺമാരായ കെ.പി ദിനേശൻ, ഇ. രാജൻ, മെമ്പർമാരായ പി. അബ്ദുൾ അസീസ്, പി. സീന, എം. രമേശൻ സംസാരിച്ചു. ക്യാമ്പയിന്റെ ഭാഗമായി 14,15,18 വാർഡുകളിൽ ശുചിത്വ -തൂഫാൻ സമിതി പുനഃസംഘടിപ്പിക്കുകയും ശുചീകരണ ബോധവത്കരണ പ്രവർത്തനങ്ങൾ നടത്തുകയും ചെയ്തു. വരും ദിവസങ്ങളിൽ എല്ലാ വാർഡുകളിലും തുടർ പ്രവർത്തനങ്ങൾ സംഘടിപ്പിക്കുമെന്നും ബീച്ചിൽ അലക്ഷ്യമായി മാലിന്യം വലിച്ചെറിയുന്നവർക്കെതിരെ നാട്ടുകാരുടെയും വ്യാപാരികളുടെയും ജാഗ്രത ഉണ്ടാകണമെന്നും നിയമ ലംഘനത്തിന് പിഴ ഉൾപ്പെടെയുള്ള നടപടികൾ സ്വീകരിക്കുന്നതാണെന്നും പ്രസിഡന്റ് അറിയിച്ചു. ഹെൽത്ത്‌ ഇൻസ്‌പെക്ടർ കെ. പ്രവീൺ നന്ദി പറഞ്ഞു.