പത്തനാപുരത്ത് സി.ഐ ഓഫീസ്

പത്തനാപുരം: പത്തനാപുരത്ത് പൊലീസ് സർക്കിൾ ഇൻസ്പെക്ടർ ഓഫീസ് അനുവദിച്ചു. പത്തനാപുരം, പട്ടാഴി സ്റ്റേഷനുകളാണ് പരിധിയിൽ വരുന്നത്. സ്റ്റേഷനുകളുടെ ചുമതല എസ്.ഐമാർക്കായിരിക്കും. സർക്കിൾ ഇൻസ്പെക്ടറുടെ ഓഫീസ് പത്തനാപുരത്തായിരിക്കും പ്രവർത്തിക്കുക. ​സി.ഐ ഓഫീസുകൾ അനുവദിച്ച് ആദ്യം ഇറങ്ങിയ ഉത്തരവിൽ പത്തനാപുരത്തെ ഒഴിവാക്കിയിരുന്നു. നിയോജകമണ്ഡലത്തിലെ പത്തനാപുരം, കുന്നിക്കോട് സ്റ്റേഷനുകൾ പുനലൂർ, കൊട്ടാരക്കര ഡിവൈ.എസ്.പി ഓഫീസുകളുടെ പരിധിയിലാണെന്ന് ചൂണ്ടിക്കാട്ടിയായിരുന്നു ഇത്. തുടർന്ന്, പുതുതായി തുടങ്ങുന്ന പട്ടാഴി പൊലീസ് സ്റ്റേഷൻ കൂടി ഉൾപ്പെടുത്തിയാണ് പത്തനാപുരത്ത് സി.ഐ ഓഫീസ് അനുവദിച്ചത്.