ഐ.എൻ.ടി​.യു.സി​ നേതാവി​നെ കുത്തി​ ​

കൊല്ലം: ചിതറയിൽ ഐ.എൻ.ടി.സി യൂണിറ്റ് കൺവീനർക്കെതിരെ വധശ്രമം. ചിതറ കല്ലുവെട്ടാംകുഴി ലക്ഷംവീട് കോളനിയിൽ ഹാജയ്ക്കെതിരെ ​നബിദിന തലേന്ന് രാത്രിയാണ് വധശ്രമമുണ്ടായത്. രാത്രിയിൽ ലക്ഷംവീട് കോളനിയിൽ ബിരിയാണി വയ്ക്കുന്നതിനിടെ അവിടെയെത്തിയ പ്രദേശവാസിയായ സുഭാഷ് ഇവിടെ ഉണ്ടായിരുന്നവരുമായി​ തർക്കമുണ്ടാക്കി​. ഇത് ഹാജ ചോദ്യം ചെയ്തതോടെ സംഘർഷമുണ്ടായി​. തുടർന്ന് ഇവിടെ നിന്നു മടങ്ങിപ്പോയ സുഭാഷ് ​പിന്നീട് കത്തിയുമായി എത്തി ഹാജയെ ആക്രമിക്കുകയായിരുന്നു. കത്തികൊണ്ടുള്ള ആക്രമണം തടയാൻ ശ്രമിക്കുന്നതിനിടെയാണ് ഹാജയ്ക്ക് കാലിൽ കുത്തേറ്റത്. സാരമായി പരിക്കേറ്റ ഹാജയെ പാരിപ്പള്ളി മെഡി. ആശുപത്രി​യി​ൽ പ്രവേശിപ്പിച്ചു. സുഭാഷ് ഒളി​വി​ലാണ്. സംഭവത്തിൽ ചിതറ പൊലീസ് കേസെടുത്ത് അന്വേഷണം ഊർജ്ജിതമാക്കി.