ഇരട്ട വിജയവുമായി സച്ചു മാർട്ടിൻ

കൊല്ലം: ജില്ലാ അത്‌ലറ്റിക് മീറ്റിന്റെ രണ്ടാം ദിനത്തിൽ രണ്ട് ഒന്നാം സ്ഥാനം കരസ്ഥമാക്കി യുവതാരം. അണ്ടർ 20 വിഭാഗത്തിൽ ഷോട്ട്പുട്ട്, ഡിസ്കസ് ത്രോ എന്നിവയിലാണ് ടി.കെ.എമ്മിന്റെ സച്ചു മാർട്ടിൻ ഇരട്ടവിജയം കൊയ്തത്. ആറാം ക്ലാസ് മുതലുള്ള പരിശീലനമാണ് ഇന്ന് നേട്ടത്തിലേക്ക് എത്തിച്ചത്.​ സ്കൂൾ-കോളേജ് തല മത്സരങ്ങളിൽ നിന്നായി ഇതുവരെ എഴ് മെഡലുകൾ സ്വന്തമാക്കിയിട്ടുണ്ട്. ​ഷോട്ട്പുട്ടിൽ 12.11 മീറ്റർ ദൂരത്തിലേക്ക് ഷോട്ട് പായിച്ചും, ഡിസ്കസ് ത്രോയിൽ 32.35 മീറ്റർ ദൂരത്തിലേക്ക് ഡിസ്ക് എറിഞ്ഞുമാണ് സച്ചു ഇരട്ട വിജയം സ്വന്തമാക്കിയത്. ​ആലപ്പുഴ മാരാരിക്കുളം അരശരക്കാവിൽ വീട്ടിൽ എ.ജെ.മാർട്ടിൻ, മേരി പ്രിൻസി ദമ്പതികളുടെ മകനാണ്.