ഇ.എസ്.ഐ പരിധിയിൽ ഉൾപ്പെടുത്തണം

കൊല്ലം: വിശ്വകർമ്മജരായ ആർട്ടിസാൻസ് തൊഴിലാളികളെ ഇ.എസ്.ഐ പരിധിയിൽ ഉൾപ്പെടുത്തണമെന്ന് അഖില കേരള വിശ്വകർമ്മ മഹാസഭ കൊല്ലം താലൂക്ക് യൂണിയൻ സമ്മേളനത്തിന്റെ ഭാഗമായി കൊട്ടിയത്ത് ചേർന്ന മേഖലാ സമ്മേളനം ഉദ്ഘാടനം ചെയ്​തുകൊണ്ട് സംസ്ഥാന പ്രസിഡന്റ് ആറ്റൂർ ശരത്ത്ചന്ദ്രൻ സർക്കാരിനോട് ആവശ്യപ്പെട്ടു. കൊല്ലം താലൂക്ക് യൂണിയൻ പ്രസിഡന്റ് കെ.പ്രസാദ് അദ്ധ്യക്ഷനായി. അഖില കേരള വിശ്വകർമ്മ മഹാസഭ സംസ്ഥാന കൗൺസിലംഗങ്ങളായ പി.വിജയബാബു, പുതിയപാലം മോഹനൻ, കൊട്ടിയം സുദേവൻ, സെക്രട്ടറി പ്രദീപ് പേരയം എന്നിവർ സംസാരിച്ചു.