വൃ​ശ്ചി​കോ​ത്സ​വ​ത്തെ വ​ര​വേൽ​ക്കാൻ കാ​ട്ടിൽ മേ​ക്ക​തിൽ ദേ​വീ​ക്ഷേ​ത്രം

ച​വ​റ: കാ​ട്ടിൽ മേ​ക്ക​തിൽ ദേ​വീക്ഷേത്രത്തിലെ വൃ​ശ്ചി​കോത്സവ​ത്തി​ന്റെ ഭാഗമായി 12 ദി​ന​രാ​ത്ര​ങ്ങൾ ഭ​ജ​നം പാർ​ക്കാനുള്ള ഭജനക്കുടിലുകളുടെ നിർമ്മാണം അ​വ​സാ​ന ഘട്ടത്തിൽ. കു​ടി​ലു​കൾ മുൻ​കൂ​ട്ടി ​ബു​ക്ക് ചെ​യ്​ത ഭ​ക്തർ കു​ടും​ബ സ​മേ​തം തു​ലാം 30ന് ഉ​ച്ച​യോ​ടെ എ​ത്തിത്തു​ട​ങ്ങും.

ഭ​ജ​ന​ക്കു​ടി​ലു​കൾ​ക്ക് ക്ര​മ​ന​മ്പർ ല​ഭി​ക്കു​ന്ന​തോ​ടെ​ ഭ​ക്തർ കു​ടി​ലു​ക​ളിൽ ​ക്ര​മീ​ക​ര​ണ​ങ്ങൾ ന​ട​ത്തും. വൃ​ശ്ചി​കം 1ന് രാ​വി​ലെ ക്ഷേ​ത്രം ത​ന്ത്രി​ തു​റ​വൂർ പി.ഉ​ണ്ണി​ക്കൃ​ഷ്​ണൻ ത​ന്ത്രി​യു​ടെ മു​ഖ്യ കാർ​മ്മി​ക​ത്വ​ത്തിൽ രാ​വി​ലെ 8.30 ക​ഴി​കെ 9ന​ക​മു​ള്ള ശു​ഭ മു​ഹൂർ​ത്ത​ത്തിൽ ന​ട​ക്കു​ന്ന തൃ​ക്കൊ​ടി​യേ​റ്റും ക​ല​ശ​വും ക​ഴി​ഞ്ഞ് ത​ന്ത്രി ഭ​ജ​ന​ക്കു​ടി​ലു​ക​ളിൽ തീർ​ത്ഥം ത​ളി​ക്കും. അ​തി​ന് ശേ​ഷ​മേ ഭ​ജ​നക്കു​ടി​ലു​ക​ളിൽ ആ​ഹാ​രം പാ​കം ചെ​യ്യാൻ അഗ്നി തെ​ളി​ക്കൂ. കു​ടി​ലു​ക​ളിൽ പാ​കം ചെ​യ്യു​ന്ന ആ​ഹാ​ര​ത്തി​ന് പു​റ​മേ ക്ഷേ​ത്ര​ത്തിൽ എ​ല്ലാ ദി​വ​സ​വും പ്ര​ത്യേ​ക​ അ​ന്ന​ദാ​ന​വുമുണ്ട്
ശ്രീ​കോ​വി​ലി​ന് മു​ന്നി​ലെ അ​ത്ഭു​ത പേ​രാലിന് ചു​റ്റും ഏ​ഴുവ​ലം വെ​ച്ച് മ​ണി കെ​ട്ടാനെത്തുന്ന ഭക്തർകൂടിയെത്തുന്നതോടെ പു​ണ്യ ഭൂ​മി ജ​ന​സാ​ഗ​രമാ​കും. വൃ​ശ്ചി​കം 12നാണ് തി​രു​മു​ടി ആ​റാ​ട്ട്. വ്യ​ശ്ചി​കം 11നും12നും ത​ങ്ക​അ​ങ്കി​ചാർ​ത്തി ദീ​പാ​രാ​ധ​ന. 12ന് രാ​വി​ലെ വൃ​ശ്ചി​ക പൊ​ങ്കൽ. അ​ന്ന് രാ​ത്രി 10.30ന് തി​രു​മു​ടി എ​ഴു​ന്നെ​ള്ള​ത്ത്. ഭ​ജ​ന​ക്കുടി​ലു​ക​ളിൽ ഭ​ക്ത​രെ അ​നു​ഗ്ര​ഹി​ക്കാ​നാണ് തി​രു​മു​ടി എ​ഴു​ന്നെ​ള്ള​ത്ത്.

നൂ​റ്റാ​ണ്ടു​കൾ​ക്ക് മു​മ്പ് കാ​ട്ടിൽ മേ​ക്ക​തിൽ അ​മ്മ ഇ​വി​ടേ​ക്ക് വ​രു​ന്ന​തി​നി​ടെ ത​ങ്ങി​യ മാ​ല​യിൽ ക്ഷേ​ത്ര​ത്തിൽ പോ​യശേ​ഷം​ ക​ടൽത്തീ​ര​ത്ത് ആ​റാ​ട്ട് ക​ട​വിൽ പ്ര​ത്യേ​കം ത​യ്യാ​റാ​ക്കി​യ കു​രു​ത്തോ​ല പ​ന്ത​ലിലാണ് തി​രു​മു​ടി ആ​റാ​ട്ട്. തു​ടർ​ന്ന് വാ​ദ്യ​മേ​ള​ങ്ങ​ളും താ​ല​പ്പൊ​ലി​യോ​ടെയും എ​ഴു​ന്നെള്ളി​ ഭ​ജ​ന​ക്കു​ടി​ലു​ക​ളിൽ അ​നു​ഗ്ര​ഹം ചൊ​രി​യും. തുടർന്നായിരിക്കും ഭക്തർ മടങ്ങുക.

ഭജനം പാർക്കാനെത്തുന്ന ഭക്തർക്ക് മുൻകാലങ്ങളിലേത് പോലെ വിപുലമായ സൗകര്യങ്ങളാണ് ഒരുക്കിയിരിക്കുന്നത് അന്നദാനം, സമ്മേളനങ്ങൾ, പ്രഭാഷണങ്ങൾ, വാണിജ്യമേള എന്നിവയും ഒരുക്കിയിട്ടുണ്ട്.

പി.അനിൽ ജോയി
പ്രസിഡന്റ്, കാട്ടിൽ മേക്കതിൽ ക്ഷേത്ര ട്രസ്റ്റ്

മറ്റ് സംസ്ഥാനങ്ങളിൽ നിന്നുവരെ വിശ്വാസികൾ എത്തിച്ചേരുന്ന സാഹചര്യത്തിൽ കെ.എസ്.ആർ.ടി.സി പ്രത്യേക സർവീസ് നടത്തും. കൊട്ടാരത്തിൻ കടവിലും കന്നിട്ട കടവിലും പ്രത്യേക ജങ്കാർ സർവീസ് ഉണ്ടാവും.

പി.സജി
സെക്രട്ടറി, കാട്ടിൽ മേക്കതിൽ ക്ഷേത്ര ട്രസ്റ്റ്