ആഗോള കൈകഴുകൽ ദിനം ആചരിച്ചു

വൈക്കം: വൈക്കം ടൗൺ റോട്ടറി ക്ലബ്ബിന്റെ ആഭിമുഖ്യത്തിൽ ആഗോള കൈകഴുകൽ ദിനം ആചരിച്ചു. പളളിപ്രത്തുശ്ശേരി സെന്റ് ജോസഫ് എൽ.പി സ്‌കൂളിൽ നടന്ന പരിപാടി ടി.വി.പുരം ഗ്രാമപഞ്ചായത്ത് പ്രസിഡന്റ് എസ്.ബിജു ഉദ്ഘാടനം ചെയ്തു. ക്ലബ്ബ് പ്രസിഡന്റ് ഡോ. അനൂപ്കുമാർ രവീന്ദ്രനാഥ് അദ്ധ്യക്ഷത വഹിച്ചു. ജീവൻ ശിവറാം കുട്ടികൾക്ക് കൈകഴുകൽ സംബന്ധിച്ച് ക്ലാസ്സെടുത്തു. പഞ്ചായത്ത് മെമ്പർ അഡ്വ. എലിസബത്ത് മാത്യു, ഹെഡ്മിസ്ട്രസ്സ് സിസ്​റ്റർ നിത്യമരിയ, എൻ.കെ.സെബാസ്​റ്റ്യൻ, ജോയി മാത്യു എന്നിവർ പ്രസംഗിച്ചു. കൈകഴുകൽ സാമഗ്രികൾ സ്‌കൂളിന് കൈമാറി.