കാട്ടുപന്നിക്ക് മുമ്പിൽ ജനം തോറ്റുപോകും!

കട്ടപ്പന : ഇരുപതേക്കർ വള്ളക്കടവ് നിവാസികൾ സഹികെട്ടുപോകുകയാണ്. പകൽപോലും പരക്കംപായുന്ന കാട്ടുപന്നികൾ സർവ്വതും നശിപ്പിക്കുകയാണ്. ഇരുപതേക്കർ വള്ളക്കടവ് റോഡിൽ കാട്ടുപന്നികൾ തമ്പടിക്കുന്നതോടെ വാഹനയാത്രക്കാർക്കും ശനിദശ. കാട്ടുപന്നി വാഹനത്തിന് കുറുകച്ചാടി ഇതിനോടകം 3 പേർ അപകടത്തിൽപ്പെട്ടു.
സമീപത്ത് കാടുപിടിച്ചു കിടക്കുന്ന സ്ഥലങ്ങളിലാണ് കാട്ടുപന്നികൾ തമ്പടിക്കുന്നതെന്ന് നാട്ടുകാർ പറയുന്നു.
കഴിഞ്ഞദിവസം ഇരുചക്രവാഹനം നിയന്ത്രണം നഷ്ടമായി ഒരു യുവാവ് ഇവിടെ മരിച്ചിരുന്നു. കാട്ടുപന്നി കുറുകെചാടിയാണോ അപകകാരണമെന്നും സംശയമുണ്ട്.

അതിലൊന്ന് ചത്തനിലയിൽ

റോഡരികിൽ വാഹനം ഇടിച്ച് കാട്ടുപന്നിയെ ചത്തനിലയിൽ കണ്ടെത്തി. വനം വകുപ്പിന്റെ നേതൃത്വത്തിൽ കാട്ടുപന്നികളെ തുരത്താനുള്ള നടപടി സ്വീകരിക്കണമെന്നും സമീപപ്രദേശങ്ങളിൽ കാടുപിടിച്ചു കിടക്കുന്ന സ്ഥലങ്ങളിലെ ഉടമകൾ സ്ഥലത്തെ കാടുകൾ പെട്ടി വൃത്തിയാക്കണമെന്നും നാട്ടുകാർ ആവശ്യപ്പെടുന്നു.