സ്വാഗതസംഘം രൂപീകരിച്ചു

കൊടുവള്ളി: കേരള ശാസ്ത്ര സാഹിത്യ പരിഷത്ത് കൊടുവള്ളി മേഖല കമ്മിറ്റി സംഘടിപ്പിക്കുന്ന 'ശാസ്ത്ര സാംസ്കാരികോത്സവ'ത്തിന്റെ ഭാഗമായി സ്വാഗതസംഘം രൂപീകരിച്ചു. മുൻ എം.എൽ.എ പി.ടി.എ. റഹീം ഉദ്ഘാടനം ചെയ്തു. ജില്ല കമ്മിറ്റി അംഗം എം. വി. സുബൈർ അദ്ധ്യക്ഷത വഹിച്ചു. കെ.കെ. അനിത ലോഗോ പ്രകാശനം ചെയ്തു. ഭാരവാഹികളായി ഷെറീന മജീദ് (ചെയർപേഴ്സൺ), നിധീഷ് മുത്തമ്പലം (ജനറൽ കൺവീനർ), ആർ.സി രമേശൻ (ട്രഷറർ) തെരഞ്ഞെടുത്തു. ശ്രീനിവാസൻ ചെറുകുളത്തൂർ വിശദീകരണം നടത്തി. കെ. ഷറഫുദ്ദീൻ, ഷെറീന മജീദ്, ഒ. പുഷ്പൻ, കെ. സുരേന്ദ്രൻ, ആർ.സി. രമേശൻ, കെ. അനിൽകുമാർ, നിധീഷ് മുത്തമ്പലം പ്രസംഗിച്ചു.