കർഷകരെ ആദരിച്ചു

മഞ്ചേരി: കർഷകദിനത്തോടനുബന്ധിച്ച് നോബിൾ വിമൻസ് കോളേജ് എൻ.എസ്.എസ്. യൂണിറ്റിന്റെ നേതൃത്വത്തിൽ മുതിർന്ന കർഷകരെ ആദരിച്ചു. മികച്ച നെൽകർഷകനായി പി. മുഹമ്മദ് ,​ വനിതാ കർഷകയായി എൻ.നൂർജഹാൻ,​ മുതിർന്ന കർഷകനായി കെ.അബ്ദുൽ റഹ്മാൻ എന്നിവരെയാണ് ആദരിച്ചത്.

കോളേജ് പ്രിൻസിപ്പൽ ഡോ. യു. സെയ്തലവി പരിപാടി ഉദ്ഘാടനം ചെയ്തു. എൻ.എസ്.എസ്. പ്രോഗ്രാം ഓഫീസർ ഡോ. അബ്ദുസ്സലാം അദ്ധ്യക്ഷത വഹിച്ചു. എൻ.എസ്.എസ്. യൂണിറ്റ് സെക്രട്ടറി ഹന്ന നുബുലു നന്ദി പ്രകാശിപ്പിച്ചു.