ബാലസഭ സംഘടിപ്പിച്ചു

ചെർപ്പുളശേരി: വേറിട്ട അനുഭവമായി ജനപ്രതിനിധിയുമായുള്ള കുട്ടികളുടെ കൂടിക്കാഴ്ച. മലർവാടി ബാലസംഘം ചെർപ്പുളശ്ശേരി ഏരിയയാണ് കുട്ടികൾ ജനപ്രതിനിധികളുമായി സംവദിക്കുന്ന 'ബാലസഭ' സംഘടിപ്പിച്ചത്. പരിപാടിയിൽ മമ്മിക്കുട്ടി എം.എൽ.എ കുട്ടികളുമായി സംവദിച്ചു. കുട്ടികൾ ഉന്നയിച്ച പ്രാദേശികമായ വികസന വിഷയങ്ങളിൽ എം.എൽ.എ മറുപടി നൽകി. കുട്ടികൾ പൊതു രംഗങ്ങളിൽ വളർന്ന് വരേണ്ടതിന്റെ ആവശ്യകത എം.എൽ.എ ഓർമിപ്പിച്ചു. മലർവാടി ബാലസംഘം രക്ഷാധികാരി പി.ഹംസ സ്വാഗതം പറഞ്ഞു. ഏരിയ കോഓർഡിനേറ്റർ ടി.യാസിർ മാസ്റ്റർ മലർവാടിയെ പരിചയപ്പെടുത്തി. നഗരസഭാഗം കൗൺസിലർ സമീറ ഗഫൂർ, കോ ഓർഡിനേറ്റർ സുഹൈറ സംസാരിച്ചു.