പബ്ലിക്ക് ഹിയറിംഗ്

ശ്രീകൃഷ്ണപുരം: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ 2025-26 സാമ്പത്തിക വർഷത്തെ രണ്ടാം പാദ സോഷ്യൽ ഓഡിറ്റിന്റെ ഭാഗമായി പബ്ലിക്ക് ഹിയറിംഗ് സംഘടിപ്പിച്ചു. ബ്ലോക്ക് ക്ഷീര വികസന ഓഫീസർ ഡോ.എം.എ.ശ്യാമ അദ്ധ്യക്ഷത വഹിച്ചു. കഴിഞ്ഞ വർഷത്തെ പദ്ധതികളുടെ പൂർത്തീകരണം, സൃഷ്ടിക്കപ്പെട്ട തൊഴിൽ ദിനങ്ങൾ, ആസ്തികൾ, പ്രവൃത്തികൾ സംബന്ധിച്ച് സോഷ്യൽ ഓഡിറ്റ് ടീം കണ്ടെത്തിയ നേട്ടങ്ങൾ, കുറവുകൾ എന്നിവ സംബന്ധിച്ചുള്ള ഓഡിറ്റ് റിപ്പോർട്ട് ബ്ലോക്ക് റിസോഴ്‌സ് പേഴ്‌സൺ പി.അജിത അവതരിപ്പിച്ചു. എം.അജയ് കുമാർ മോഡറേറ്ററായി. റിപ്പോർട്ട് ചർച്ചയിൽ ഗ്രാമപഞ്ചായത്ത് പ്രസിഡന്റ് പി.അരവിന്ദാക്ഷൻ, വൈസ് പ്രസിഡന്റ് എം.അരുണ, സ്ഥിരം സമിതി അദ്ധ്യക്ഷന്മാരായ വി.സി.ഉണ്ണികൃഷ്ണൻ, കെ.കെ.ലിനി എന്നിവർ സംസാരിച്ചു. ചർച്ചകൾക്ക് സെക്രട്ടറി എം.എസ്.നാരായണൻ, എൻ.ആർ.ഇ.ജി ബ്ലോക്ക് അസി.എൻജിനീയർ കെ.ആർ.പുഷ്പലത, അസി.എൻജിനീയർ പൂജ നായർ, സി.ശരത്, കെ.ജയശ്രീ, പി.രാമപ്രകാശ് എന്നിവർ മറുപടി നൽകി.