മാതൃഭാഷ ദിനാചരണം

മുണ്ടൂർ: കേരളപ്പിറവി ദിനത്തിൽ കേരള സ്റ്റേറ്റ് സർവീസ് പെൻഷനേഴ്സ് യൂണിയൻ (കെ.എസ്.എസ്.പി.യു) പാലക്കാട് റൂറൽ ബ്ലോക്ക് കലാകായിക മേളയും മാതൃഭാഷാ ദിനാചരണവും സംഘടിപ്പിച്ചു. മുണ്ടൂർ ഹയർ സെക്കൻഡറി സ്‌കൂളിൽ നടന്ന പരിപാടി ഒളിമ്പ്യൻ പ്രീജ ശ്രീധരൻ ഉദ്ഘാടനം ചെയ്തു. റൂറൽ ബ്ലോക്ക് പ്രസിഡന്റ് കെ.പാർഥസാരഥി അദ്ധ്യക്ഷത വഹിച്ചു. സെക്രട്ടറി പി.കൃഷ്ണദാസ്, ജില്ലാ ജോയിന്റ് സെക്രട്ടറി കെ.രാധാദേവി, പി.ദിനകരൻ, ട്രഷറർ എം.കാസിം എന്നിവർ സംസാരിച്ചു. അംഗങ്ങളുടെ കലാ കായിക മത്സരങ്ങളും നടന്നു.