ഫുട്ബാൾ ആരാധകരുടെ റോഡ് ഷോ ഗതാഗതം മുടക്കി

വള്ളംകുളം : ഫുട്ബാൾ ആരാധകരുടെ റോഡ് ഷോ ഗതാഗതം മുടക്കി. കഴിഞ്ഞ രാത്രി ഏഴ് മണിയോടെ വള്ളംകുളത്തിന് സമീപം ഫുട്ബോൾ ആരാധകർ ടീമുകൾക്ക് ഐക്യദാർഢ്യം പ്രഖ്യാപിച്ചാണ് റോഡ് ഷോ നടത്തിയത്. കാതടിപ്പിക്കുന്ന ശബ്ദവിന്യാസവും കാഴ്ചയെ ബാധിക്കുന്ന പ്രകാശ സംവിധാനവുമായാണ് യുവാക്കൾ റോഡിൽ നിരന്നത്. ഇൗ സമയം എത്തിയ കെ.എസ്.ആർ.ടി.സി ബസിൽ നെഞ്ചുവേദന അനുഭവപ്പെട്ട യാത്രക്കാരനെ ആശുപത്രിയിലെത്തിക്കാൻ പ്രയാസപ്പെട്ടു. ബസ് ജീവനക്കാർ പൊലീസിനെ സമീപിച്ചതിനെ തുടർന്നാണ് ബസിന് യാത്ര തുടരാൻ കഴിഞ്ഞത്. യാത്രക്കാരനെ കോഴഞ്ചേരിയിലെ ആശുപത്രിയിൽ പ്രവേശിപ്പിച്ചു.