അടൂരിൽ വീണ്ടും പൈപ്പ് പൊട്ടൽ

അടൂർ : അടൂരിൽ വീണ്ടും പൈപ്പ് പൊട്ടി.കെ.പി. റോഡിൽഅഗ്നി രക്ഷാ സ്റ്റേഷന് സമീപം ബാങ്കിന് മുൻവശത്ത് കലുങ്കിനടുത്തുകൂടി പോകുന്ന പൈപ്പാണ് പൊട്ടിയത്. വെള്ളം റോഡിലേക്ക് ചീറ്റി തെറിച്ചതോടെ ഇരുചക വാഹനത്തിൽ പോയവർ നനഞ്ഞു കുതിർന്നു .നേരത്തെ കെ.എസ്.ആർ.ടി. ജംഗ്ഷനിൽ പാലത്തിന്റെ കൈവരിയോട് ചേർന്ന് പോകുന്ന പൈപ്പ് നാല് തവണ പൊട്ടിയിരുന്നു. വ്യാഴാഴ്ച ഇട്ട പൈപ്പുകൾ യോജിപ്പിച്ച ഭാഗത്ത് ബെന്റ് തള്ളിപ്പോയതാണ് പുറത്തേക്ക് വെള്ളം ഒഴുകാൻ കാരണം. ട്രയൽ നടത്തിയപ്പോഴാണ് വെള്ളം പുറത്തേക്ക് തള്ളിയതെന്നും പണികൾ ഉടൻആരംഭിച്ചതായും വാട്ടർ അതോറിറ്റി അധികൃതർ പറഞ്ഞു.