കാപ്പ: മരട് അനീഷിനെ വി​യ്യൂർ ജയിലിൽ അടച്ചു

കൊച്ചി: നിരവധി ക്രിമിനൽകേസുകളിൽ പ്രതിയായ അന്തർസംസ്ഥാന കുറ്റവാളി അനീഷ് ആന്റണി എന്ന മരട് അനീഷിനെ (40) കാപ്പനിയമപ്രകാരം ജയിലിൽ അടച്ചു. കേരളം , തമിഴ്‌നാട്, കർണാടക സംസ്ഥാനങ്ങളിലായി 2 രണ്ട് കൊലപാതകക്കേസ്, 8 കൊലപാതകശ്രമം, 17 അടിപിടി, 11 കൂട്ടായ്മ കവർച്ച, 5 ആംസ് ആക്ട്, ഒരു മയക്കുമരുന്ന് കേസ്, ഒരു ഭീഷണിപ്പെടുത്തി പണം അപഹരിക്കൽ തുടങ്ങിയവയി​ൽ പ്രതിയാണ് മരട് അനീഷ്.

2023 നവംബറി​ലും വിയ്യൂർ സെൻട്രൽ ജയിലിൽ കരുതൽ തടങ്കലിൽ ശിക്ഷഅനുഭവിച്ചിരുന്നതാണ്. പീന്നീട് ജയിലിൽ നിന്നറങ്ങിയശേഷം തമിഴ്നാട് , കോയമ്പത്തൂർ കണ്ടെ ഗൗണ്ടൻ ചാവടി സ്റ്റേഷൻ പരിധിയിൽ കവർച്ചനടത്തി​. ഒടുവിലായി നെടുമ്പാശേരിയി​ലെ സ്പായിൽനിന്ന് ഭീഷണിപ്പെടുത്തി പണം അപഹരിക്കാൻ ശ്രമിച്ച കേസിലും അറസ്റ്റി​ലായി​. ഈ കേസി​ൽ ജാമ്യത്തിൽ ഇറങ്ങി.

കൊച്ചി സിറ്റി ഡെപ്യൂട്ടി പൊലിസ് കമ്മിഷണർ അശ്വതി ജിജിയുടെ ശുപാർശയിൽ ജില്ലാ കളക്ടർ ജി. പ്രിയങ്കയുടെ ഉത്തരവുപ്രകാരമാണ് അനീഷിനെ അറസ്റ്റുചെയ്തത്. വിയ്യൂർ സെൻട്രൽ ജയിലിലേക്ക് മാറ്റി​. സാമൂഹികവിരുദ്ധ പ്രവർത്തനങ്ങളിൽ ഏർപ്പെടുന്നവർക്കെതിരെ ശക്തമായ നടപടി​യുണ്ടാകുമെന്ന് സിറ്റി പൊലീസ് കമ്മിഷണർ കാളിരാജ് മഹേഷ്‌കുമാർ പറഞ്ഞു.