സ്രാവിന്റെ ആക്രമണം, രക്തത്തിൽ മുങ്ങി 40കാരൻ; അതിസാഹസികമായി കൂട്ടുകാരനെ രക്ഷിച്ച് ബോട്ട് ക്യാപ്‌റ്റൻ

ഉടൻതന്നെ ബോട്ടിലുണ്ടായിരുന്ന മറ്റ് മുങ്ങൽ വിദഗ്‌ദ്ധന്മാർ ചേർന്ന് രക്തസ്രാവം നിയന്ത്രിക്കാനുള്ള അടിന്തിര ചികിത്സ നൽകി. വിവരം ലഭിച്ചതിനെതുടർന്ന് സ്ഥലത്തെത്തിയ കോസ്റ്റ്‌ഗാർഡ് സംഘം ഇവരെ കരയിലെത്തിച്ചു. തുടർന്ന് അവിടെനിന്ന് എയർലിഫ്‌റ്റ് ചെയ്‌ത് പെൻസക്കോളയിലെ ആശുപത്രിയിൽ പ്രവേശിപ്പിച്ചു. സ്രാവിന്റെ ആക്രമണത്തിൽ 40കാരന്റെ കൈത്തണ്ടയിലെ ഒരു ധമനിക്ക് ഗുരുതരമായി പരിക്കേറ്റിരുന്നു. മറ്റേ കൈത്തണ്ടയിൽ ഡസൻ കണക്കിന് തുന്നലുകൾ ആവശ്യമായി വന്നു. ഡൈവർ പൂർണമായി സുഖം പ്രാപിക്കുമെന്നാണ് ഡോക്‌ടർമാരുടെ പ്രതീക്ഷ.

'അപകട സാദ്ധ്യതയെക്കുറിച്ച് ചിന്തിക്കാൻപോലും സമയമുണ്ടായിരുന്നില്ല. ഞാൻ ഉടൻ ചാടുകയായിരുന്നു'- സംഭവത്തെക്കുറിച്ച് ജോൺസൺ പറഞ്ഞു. പരിക്കേറ്റയാൾ തന്റെ പേര് പുറത്തുവിടരുതെന്ന് ആവശ്യപ്പെട്ടിട്ടുണ്ട്. ഇതിനകം ഒരു ശസ്‌ത്രക്രിയയ്‌ക്ക് വിധേയനായ അദ്ദേഹം സുഖം പ്രാപിച്ച് വരികയാണെന്നും ബോട്ട് ക്യാപ്‌റ്റൻ അറിയിച്ചു. അപകടമുണ്ടായെങ്കിലും കടലിനോടുള്ള തങ്ങളുടെ ഇഷ്‌ടത്തിന് മാറ്റമില്ലെന്നും ഡൈവിംഗും സ്‌പിയർ ഫിഷിംഗും തുടരുമെന്നും സംഘാംഗങ്ങൾ വ്യക്തമാക്കി.