നാഗാലാൻഡിൽ സ്ഫോടനം : അസാം റൈഫിൾസ് സൈനികന് വീരമൃത്യു,​ നാല് പേർക്ക് പരിക്ക്

കൊഹിമ : നാഗാലാൻഡിൽ ഐ.ഇ.ഡി സ്ഫോടനത്തിൽ ഒരു സൈനികന് വീരമൃത്യു,​ നാല് സൈനികർക്ക് പരിക്കേറ്റു. നാഗാലാൻഡിലെ സുഖോവിക്ക് സമീപം ചുമൗക്കേദിമയിലാണ് സ്ഫോടനമുണ്ടായത്. അസാം റൈഫിൾസിന്റെ പരിശീലന കേന്ദ്രം സ്ഥിതിചെയ്യുന്ന പ്രദേശത്തിന് സമീപമാണ് ഐ.ഇ.ഡി പൊട്ടിത്തെറിച്ചത്. സൈവികർ സഞ്ചരിച്ച ബൊലേറോ എസ്.യു,​വിക്ക് സമീപം ഐ.ഇ.ഡി പൊട്ടിത്തെറിക്കുകയായിരുന്നു സ്ഫോടനത്തിൽ അസാം റൈഫിൾസിലെ ഒരു സൈനികൻ വീരമൃത്യു വരിച്ചതായി കൊഹിമയിലെ പ്രതിരോധ വകുപ്പ് പി.ആർ.ഒ സ്ഥിരീകരിച്ചു. പരിക്കേറ്റ സൈനികരെ സമീപത്തെ ആശുപത്രിയിൽ പ്രവേശിപ്പിച്ചതായും റിപ്പോർട്ടുകളിൽ പറയുന്നു . സ്ഫോടനത്തിന് പിന്നാലെ മേഖലയിൽ സൈന്യം വ്യാപകമായ പരിശോധന ആരംഭിച്ചിട്ടുണ്ട്.