സാമ്പത്തിക വിവേചനവും കുട്ടികളെ പഠിപ്പിക്കും

ന്യൂഡൽഹി: സാമ്പത്തിക പശ്ചാത്തലത്തിന്റെ പേരിൽ വ്യക്തിയെയോ ഒരു വിഭാഗത്തെയോ മോശമാക്കുന്നത് വിവേചനമാകുമെന്ന് ഇനി കുട്ടികളെ പഠിപ്പിക്കും. എൻ.സി.ഇ.ആർ.ടിയുടെ പുതിയ എട്ടാം ക്ളാസ് സോഷ്യൽ സയൻസ് പാഠപുസ്‌തകത്തിലെ 'പൗരത്വം: അവകാശങ്ങളും കടമകളും' എന്ന അദ്ധ്യായത്തിലാണിത്. ജാതി, മതം, വംശം, ലിംഗഭേദം, വൈകല്യം, രൂപം, എന്നിവയുടെ പേരിലെന്ന പോലെ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ കുട്ടികൾ വിവേചനവും മുൻ വിധിയോടെയുള്ള പെരുമാറ്റവും നേരിട്ടേക്കാമെന്ന് പുസ്‌തകത്തിലുണ്ട്.