അസിസ്റ്റന്റ് പബ്ലിക് പ്രൊസിക്യൂട്ടർമാർക്ക് സ്ഥലംമാറ്റം

തിരുവനന്തപുരം: അസിസ്റ്റന്റ് പബ്ലിക് പ്രൊസിക്യൂട്ടർമാർക്ക് സ്ഥലംമാറ്റം. കരോലിൻ ജോയ് ഫ്‌ലെച്ചറിനെ തലശ്ശേരി അഡീഷണൽ ചീഫ് ജുഡീഷ്യൽ മജിസ്‌ട്രേറ്റ് കോടതിയിൽ നിന്ന് തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി മൂന്നിലേക്ക് മാറ്റി. ആർ.മനുവിനെ തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി മൂന്നിൽ നിന്ന് തലശ്ശേരി അഡീഷണൽ ചീഫ് ജുഡീഷ്യൽ മജിസ്‌ട്രേറ്റ് കോടതിയിലേക്ക് മാറ്റി.

ഇന്ദുശേഖരൻ തമ്പിയെ കട്ടപ്പന ഗ്രാമന്യായാലയത്തിൽ നിന്ന് കാട്ടാക്കട ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിലേക്ക് മാറ്റി. കെ.സുജകുമാരിയെ തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി രണ്ടിൽ നിന്ന് റാന്നി ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിലേക്ക് മാറ്റി നിയമിച്ചു. തിരുവനന്തപുരം, കൊല്ലം, ആലപ്പുഴ, ഇടുക്കി, തൃശൂർ, മലപ്പുറം, കോഴിക്കോട്, വയനാട്, കണ്ണൂർ ജില്ലകളിലെ കോടതികളിലായി ആകെ 19 പേർക്കാണ് മാറ്റം.