ഡെപ്യൂട്ടി ഡി.എം.ഒ സന്ദർശിച്ചു

എടത്വ: വെള്ളപ്പൊക്കത്തെ തുടർന്ന് വൈദ്യുതി മുടങ്ങിയതോടെ ഓക്സിജൻ കോൺസെൻട്രേറ്റർ പ്രവർത്തിപ്പിക്കാനാകാതെ മരിച്ച രോഗിയുടെ കുടുംബത്തെ ജില്ലാ ഡെപ്യൂട്ടി മെഡിക്കൽ ഓഫീസർ ഡോ.ദിലീപ് കുമാർ സന്ദർശിച്ചു. തലവടി ഗ്രാമപഞ്ചായത്ത് അംഗം അജിത് പിഷാരത്ത്, മെഡിക്കൽ ഓഫീസർ ഡോ. സിനു ശങ്കർ എന്നിവരും അദ്ദേഹത്തോടൊപ്പമുണ്ടായിരുന്നു. തലവടി ഗ്രാമപഞ്ചായത്ത് 11-ാം വാർഡിലെ കറുത്തേരിൽ വീട്ടിൽ കെ.വി.മോഹനനാണ്(63) ആണ് കഴിഞ്ഞ ബുധനാഴ്ച്ച മരിച്ചത്. വൈദ്യുതി മുടങ്ങിയതിനെ തുടർന്ന് ആരോഗ്യനില വഷളായ മോഹനനെ എടത്വയിലെ സ്വകാര്യ ആശുപത്രിയിൽ എത്തിച്ചെങ്കിലും മരിക്കുകയുമായിരുന്നു.