മിശ്രഭോജന വാർഷികം

കൊച്ചി: കേരള മിശ്രവിവാഹ വേദി, കേരള യുക്തിവാദി സംഘം എന്നിവ സംഘടിപ്പിച്ച വി.കെ. പവിത്രൻ സ്‌മാരക മതമില്ലാത്ത ജീവൻ പവിത്രം അവാർഡ് വിതരണവും മിശ്രഭോജനത്തിന്റെ 109 -ാം വാർഷികവും ഡോ. സെബാസ്‌റ്റ്യൻ പോൾ ഉദ്ഘാടനം ചെയ്തു. മിശ്രവിവാഹ വേദി സംസ്ഥാന പ്രസിഡന്റ് അഡ്വ. രാജഗോപാൽ അദ്ധ്യക്ഷനായി. ബാർ കൗൺസിൽ മുൻ ചെയർമാൻ അഡ്വ. കെ.എൻ അനിൽകുമാർ വി.കെ. പവിത്രൻ അനുസ്മരണവും മിശ്രവിവാഹ വേദി ജനറൽ സെക്രട്ടറി പി.ഇ സുധാകരൻ മിശ്രഭോജന അനുസമരണവും നടത്തി. സതി പവിത്രൻ അവാർഡ് സമ്മാനിച്ചു. ശൂരനാട് ഗോപൻ അഭിലാഷ് ശ്രീധരൻ, കെ പി തങ്കപ്പൻ ആദിത്യൻ നാരായണൻ എന്നിവർ സംസാരിച്ചു.