കെ.പി.എസ്.ടി.എ യാത്രയയപ്പ്

കാഞ്ഞങ്ങാട്: കേരള സ്കൂൾ ടീച്ചേഴ്സ് അസോസിയേഷൻ (കെ.പി.എസ്.ടി.എ) സബ് ജില്ലാ കമ്മിറ്റി ഈ വർഷം സർവീസിൽ നിന്ന് വിരമിക്കുന്ന അദ്ധ്യാപകർക്ക് യാത്രയയപ്പും വിവിധ മേഖലകളിൽ കഴിവ് തെളിയിച്ച സ്കൂളിനും അദ്ധ്യാപകർക്ക് അനുമോദനവും നടത്തി. യാത്രയയപ്പ് സമ്മേളനം സംസ്ഥാന ജനറൽ സെക്രട്ടറി സുനിൽകുമാർ ഉദ്ഘാടനം ചെയ്തു. ഉപജില്ല പ്രസിഡന്റ് പി. രതീശൻ, സംസ്ഥാന നിർവാഹകസമിതി അംഗം അലോഷ്യസ് ജോർജ് എന്നിവർ മുഖ്യഭാഷണം നടത്തി. സംസ്ഥാന ജനറൽ സെക്രട്ടറി ബി. സുനിൽകുമാർ വിരമിക്കുന്ന അദ്ധ്യാപകരെ ആദരിച്ചു. ജില്ലാ പ്രസിഡന്റ് കെ. ഗോപാലകൃഷ്ണൻ, ജില്ലാ സെക്രട്ടറി ടി. രാജേഷ് കുമാർ, സബ് ജില്ലാ സെക്രട്ടറി എം.വി സിഞ്ചു, എം. സുമേഷ്, എസ്.കെ അജിത, കെ. ശശീന്ദ്രൻ, പി.കെ ബിജു, ടി. അനൂപ് കുമാർ, കെ. സതീശൻ എന്നിവർ സംസാരിച്ചു.